سؤال بيسأله كل المصريين
ليه أحنا متأخرين
وكلنا للأسباب عارفين
بس مستهبلين
ووقتنا كله مضيعين
وإحنا علي الكافيهات قاعدين
وللشيشة والمعسل شاربين
والبنات والولاد لبعض معلقين
والرجالة والستات جوازات عرفي ضاربين
وعندنا مدارس وجامعات كتير بس مش متعلمين
وفاشلين
جاهلين
وجوامع وكنائس كتير بس مافيش دين
ونطلع من الصلاة نتخانق ونسب لبعض الدين
والمسلمون يكرهوا المسيحيين ويحرقوا البهائيين
والمسيحيين للاثنين مش طايقين
وعندنا ناس بتسال ندخل الحمام بالرجل الشمال ولا اليمين
ورجالة وستات بيحلفوا أنهم للجن متجوزين
ومخلفين
متخلفين
وعندنا نيل طويل بس عطشانين
وأرض خضراء مزرعة بس جعانين
والخضار والفاكهة الحمد لله متسرطنين
وفي أنفلونزا الطيور طلعنا علي العالم التالتين
ودفنا الخنازير حية والأنفلونزا مش لاقيين
حتي السمك مسمم جبناه من الفلبين
وبقينا خلاص نباتيين
ومش لاقيين
والريس بتاعنا عدي الثمانين
وحايركب ابنه عالبلد ويدلدل الرجلين
وعندنا رئيس وزراء طوله مترين
وإحنا ساكتين
وعلي بعض بس متفالحين
وعلي الغلبان بس نعمل جامدين
ولو عسكري المرور كلمنا ننزل نديله قلمين
لكن لو ضابط نقول له آمين
وندفع المخالفة حتي لو مش غلطانين
ونضحك في وش بعض وأول مانمشي نروح شاتمين
وكلنا نقول لبعض أنت عارف بتكلم مين
ورجالتنا مش عارفين وفي العسل نايمين
والستات تعبانين
3/4 البلد بيتكلموا في الموبايل وهما شحاتين
والربع مساطيل ومحششين
بس سيبك أنت احنا ناس طيبين
وربنا ساترها وماشيه بدعاء الوالدين
وصدقني حانفضل كده علي طول وليوم الدين
*********************
الكاتب مجهول بس الكلام عجبني
مهاجر مصري
السلام عليكم ورحمة الله وبركاته
ReplyDeleteكلام أصاب كبد الحقيقة
إنها الحقيقة المرة ..والواقع المؤلم
تحياتي على تلك الكلمات مجهولة المصدر معلومة البيان
ReplyDeleteوتحياتي لك أكثر على تلك النافذة
وأدعوك لزيارة مدونتي المتواضعة
ويبقى التواصل
السلام عليكمـ
ReplyDeleteأخي الكريم
أولاً أتشرف بتواجدي هنا بين جنبات مدونتك
بالفعل كلام رائع جداً ، أجمل ما يزينه أنه كلام حقيق وصريح للغاية
دمت بكل الود